Superylli brazilian Ronaldinho është i ngazëllyer që do të luajë me mesfushorin anglez David Beckham në Milan.
“Jam shumë i lumtur me ardhjen e Beckham. Ai mund të na ndihmojë neve të fitojmë. Nëse ia del mirë, ai duhet të mbetet më shumë se sa katër muaj”, ka thënë Ronaldinho.
“Në Itali unë jam ende në proces të përshtatjes. Por gjërat po shkojnë në të mirë kësaj here. Objektivi është të bëj gjithçka që mundem për ta ndihmuar Milanin. Shpresoj të jemi në mesin e më të mirëve për shumë vite”, ka shtuar braziliani.