Tottenham paguan vetëm 6 milionë për Defoe

Tottenham Hotspur të martën ka siguruar shërbimet e Jermain Defoe për vetëm gjashtë milionë funte.
E përditshmja “Mirror” njofton se Defoe ka nënshkruar një kontratë pesëvjeçare me Tottenham, ndërsa do të fitojë 60.000 funte në javë.

Spursat kanë transferuar 26-vjeçarin për një shumë të vogël parash, me ç’rast do të paguajnë vetëm gjashtë milionë funte, pasi që Portsmouth i ka borxh Tottenhamit shtatë milionë të tjera.

Defoe vitin e kaluar u largua nga Tottenhami për nëntë milionë funte, ndërsa tash Spursat e kanë kthyer, por pagesa e tij është dyfish më e madhe sesa vitin e kaluar.